KLOPPER-BEKER VANJAAR NA OTJIWARONGO-1973

(DEUR TOESKOUER)
TOESKOUERS in die Suidwes-stadion het Saterdag tot op die laaste gebly tydens die harde, taai en spannende stryd tussen die spanne van Otjiwarongo en Keetmanshoop se hoërskole. Die twee spanne het meer as 1 500 kilometers gereis om in die eindstryd vir die Klopper-beker te speel.
Die spannetjie van Otjiwarongo het 'n deurbraak vir die Noorde gemaak toe hy die eerste span uit die streek geword het om die beker te wen. Die Beesboere het die Skaapboere met 8-4 getroef. Die telling maak egter nie saak nie, dit was lekker en mooi rugby en elke ondersteuner, ook die van Keetmanshoop kan baie gelukkig voel. Hoewel Keetmanshoop die knie moes buig, verdien die manne wat heelwat ligter as sy opponent was, alle lof vir die tipe spel wat hulle gespeel het. As daar 'n beker was vir die span wat die mooiste rugby gespeel het, dan is ek seker het dit vandag 'n tuiste in die Suide gehad. Eintlik sou 'n gelykoptelling 'n baie beter weergawe van die spel gewees het maar dit is nou maar een maal rugby.

Keetmanshoop het miskien meer geleenthede gehad om punte aan te teken maar hy het nie van sy kanse gebruik gemaak nie terwyl Otjiwarongo sy kanse benut het. Otjiwarongo was meer vol taktiek as Keetmanshoop en so bv. het Otjiwarongo heelwat balle skoon by die lynstane weggekry deurdat die vleuel die bal op die voorste speler gegooi het wat dit weer vinnig terug-gestuur het na die vleuel wat dan weer die skrumskakel gevoer het. Met hierdie taktiek was Otjiwarongo baie suksesvol asook met die swaai van die vasteskrums. Suide se heelagter was twee keer verplig om die bal oor te dra en Otjiwarongo het elke keer daarin geslaag om dan die vyftreeskrum te swaai en so het kantman en kaptein Fanie van Zyl sy span se twee drieë gekry.

Waar Keetmanshoop se agterlyn verkies het om meer met die bal te hardloop, het Otjiwarongo weer verkies om meer te skop en dan met sy lekker groot en sterk voorspelers te storm. Dit is waarom ek meer van Keetmans se tipe spel gehou het. Dit was juis na 'n volle agterlyn beweging wat Keetmans se enigste punte gekom het toe vleuel Jan Visser soos blits op Otjiwarongo se doellyn afgestorm het om die bal in die hoekie neer te sit. Dit was 'n mooi drie en die toeskouers het dit geniet. Waar Otjiwarongo se krag by sy voorspelers lê, het dit gelyk of Keetmans se agterlyn die gevaarlikste is. Die eerste helfte was gekenmerk deur heelwat beserings maar dit het gelukkig nie gekom van ontoelaatbare spel nie, maar wel harde rugby. Die noodhulpmanne moes aan verskeie spelers aandag gee. In hierdie helfte het beide spanne ook kanse gehad om met strafskoppe punte aan te teken maar nie een was suksesvol nie. Die lynstane en skrums het in die eerste helfte redelik gelykop verloop terwyl Otjiwarongo ʼn baie klein voorsprong in die los gehad het. Keetmans het die meeste gebiedsvoordeel gehad. In die tweede helfte het Otjiwarongo meer balle uit die lynstane en vaste skrums gekry en ook beter in die los gevaar.

Dit is moeilik om uitblinkers uit te sonder. Otjiwarongo kan egter trots voel met die vertoning van sy kaptein Fanie van Zyl en losskakel Cyril v.d. Heever. Aan die kant van Keetmanshoop het stut Alex Pearson baie beïndruk.
Die Skaapboere het na 20 minute voorgeloop toe vleuel Jan Visser agter Otjiwarongo se doellyn gaan kuier het. Keetmans het die voorsprong tot in beseringstyd behou voordat Van Zyl van 'n swaaiskrum oorgegaan het. Tot drie minute voor die einde was die twee spanne nog gelykop, maar weer het Otjiwarongo daarin geslaag om die skrum te swaai en weer het Van Zyl gaan druk.

More Entries

 

1969

KEETMANS WEN DIE BEKERDie Hoërskool Keetmanshoop het Maandamiddig in die Suidwes-stadion die Klopper-beker gewen toe hy die Hoërskool Outjo in die eindronde met 6-3 geklop het. Die ondernemingsgees...

1970

WHS wen eindstryd om Klopperbeker Die eerste rugbyspan van die Hoërskool Windhoek het Saterdag in die hoofwedstryd in die Suidwes-stadion in Windhoek, die gesogte Klopperbeker gewen toe hulle...

1971

WINDHOEK HOËRSKOOL BEHOU DIE KLOPPER-SKILD WINDH0EK HOËRSKOOL se rugbyspan het Saterdag vir die tweede agtereenvolgende jaar die Klopper-skild verower deur die besoekende span van die Hoërskool Outjo met...

1972

BEKER VANJAAR NA KEETMANS DIE Klopper-beker staan vanjaar op Keetmanshoop. Dit is die eerste keer dat die Hoërskool Keetmanshoop die gesogte trofee kon verower. Die besoekers van Suide het...

1973

KLOPPER-BEKER VANJAAR NA OTJIWARONGO (DEUR TOESKOUER) TOESKOUERS in die Suidwes-stadion het Saterdag tot op die laaste gebly tydens die harde, taai en spannende stryd tussen die spanne van Otjiwarongo en...

1974

Walvis wen bekerDlE rugbyspan van die Hoërskool Walvisbaai het Saterdag vir die eerste keer die Klopperbeker gewen toe hy die Hoërskool Outjo, Suidwes se kleinste hoërskool, met...

1975

HTS wen pragstryd en Klopperbeker Deur Cor Leijenaar VOORSPELERSPEL is nie alles in rugby nie. Dit is Saterdagmiddag in die Suidwes-stadion oor en weer deur die Hoër Tegniese Skool...

1976

HTS VEG HARD OM BEKER TE BEHOU Deur Cor Leiejenaar DIE Hoër Tegniese Skool het Saterdag die Klopper-beker vir die tweede agtereenvolgende jaar gewen toe hy die Hoërskool Etosha met...

1977

WHS VERRAS HTS DIE Hoërskool Windhoek het Saterdag in die Suidwes-stadion byna die “onmoontlike” reggekry toe hy die Hoër Tegniese skool met 3-0 geklop het om die...

1978

Foto’s Len Ward Klopperbeker gaan Keetmans toe! DIT was Saterdag die Suide se dag! PK de Villiers van Keetmanshoop het die derde keer daarin geslaag om die Klopperbeker te...

1979

WHS wen die Klopper-beker! QUINTON BOTES, haker en kaptein van WHS se eerste rugbyspan, staan hier met die Klopper-beker nadat sy span HTS in die eindstryd met 23-3...

1980

Voorspelers van HTS word verras Deur WIMPIE RUST DIE gesogte Klopperbeker gaan vir die eerste keer in sy bestaan vir 'n jaar lank op Gobabis pryk! Die...

1981

Jan Möhr doen dit toe sowaar! Klop Academia in taai stryd 10-4 Deur WIMPIE RUST JAN MÖHR het Saterdag op die Suidwes-Stadion daarin geslaag om in sy 20ste bestaansjaar...

1982

Klopper weer by WHS ACADEMIA-drome dat hy die Klopper-beker kan wen na sy blink vertoning in die halfeindstryd teen P.K. de Villiers van Keetmanshoop het Saterdagmiddag in die Suidwes-stadion...

1983

Daar's koek in die hoek! Deur Des Erasmus DIT was so byna soos in die dae van die "diggings". Die vinnigste man in die bondel het elke keer die...

1984

HTS looi Möhre IN een van die beste eindstryde om die Danlou-Klopperbeker die afgelope paar jaar, het die Hoër Tegniese Skool (HTS) Saterdag dié gesogte beker vir die derde...

1985

Rugby uit boonste rakke Van Des Erasmus in die Suidwes-stadion HARTSEER te midde van sulke skitterende rugby was Saterdagmiddag van die teenstrydige bestanddele in ’n sportfees waarin die eerste rugbyspan...

1986

WHS weer bo DIE Hoërskool Windhoek se senterpaar, Willem Tromp en Heinrich Lubbe, het gistermiddag in die Suidwes-stadion die Hoërskool Grootfontein se aansprake op die Klopper-beker platgedruk toe WHS taamlik...

1987

Klopper bly by WHS WHS het Saterdag sy baasskap in Suidwes se skolerugby onteenseglik herbewys met sy skitterende oorwinning van 19-6 oor Mariental in die Klopperbeker-eindstryd. Mariental, wat vanjaar vir...

1988

Klopperbeker vir Etosha DIE Hoërskool Etosha het gister in die Suidwes-stadion die Swabank-Klopperbeker gebuit toe hy die span van Academia in die eindstryd met 9 - 3 geklop...

1989

Klopperbeker na Academia DIE Hoërskool Academia se eerste rugbyspan het gister geskiedenis gemaak deur die Klopperbeker vir die eerste keer te wen. Hy het die Hoërskool Grootfontein in die...

1990

Skole deel beker DIE HoërsKool Windhoek kon nie gister daarin slaag om die begeesterde Grootfontein-rugbyspan in die eindstryd van die Klopperbeker in die Suidwes-stadion te klop nie. Die twee...

1991

Academia wen beker Deur Gert Kruger DIE rugbyspan van die Hoërskool Academia het Saterdagmiddag in die Suidwes-stadion in Windhoek die trotse houer van die Klopperbeker vir skolerugby geword...

1992

Grootfontein skitter, DIE o.19A-rugbyspan van die Hoërskool Grootfontein het gister in die Nasionale Rugbystadion met vonkelende speI vir Mariental in die eindstryd met 49 - 12 geklop. Dit was...

1993

HTS is skole-kampioen DIE rugbyspan van HTS het gister in die Nasionale Rugbystadion die trotse houer van Metropolitan se Raadskild geword toe hy Academia in die skole-eindstryd met...

1994

HTS beklink skole-eindstryd DIE rugbyspan van XerographIcs Hoër Tegniese Skool het gister in dle Nasionale Rugbystadion vir Auas Delta Windhoek Hoërskool in Metropolitan se o.19A-eindstryd met 17 -...

1995

WHS na agt jaar weer kampioen DIT het hulle agt jaar gevat om daar te kom, maar soos WHS gister die eindstryd om die Metropolitan-Superliga teen HTS...

1996

WHS steeds skole se rugbykampioen Deur Andrew Poolman Die onder 19-rugbyspan van Auas Delta Windhoek Hoërskool is die 1996 Metropolitan Raadsbeker Superligakampioen. Hy het Market Motors Academia I...

1997

WHS vaar beste in skole-eindstryde METROPOLITAN Life se Raadsbeker-eindstryde het gister in Windhoek plaasgevind met twaalf rugbyspanne van Namibiese hoërskole wat in hul onderskeie ligas meegedIng het. Dit was...

1998

HTS onttroon WHS Die eerste rugbyspan van die Hoër Tegniese Skool het Saterdag in die Nasionale Rugbystadion vir Windhoek Hoërskool na drie jaar as Metropolitan se o.19-Superligakampioen onttroon....

1999

WHS wen Superliga Andrew Poolman DIE Superliga-rugbytrofee van Metropolitan is Saterdag vir die laaste keer dié millennium by Windhoek Hoërskool staangemaak. Samsung WHS het die Hoër Tegniese Skool met 10...

2000

WHS wen vyf uit sesAndrew Poolman WINDHOEK Hoërskool se eerste rugbyspan het Saterdag in die Nasionale Rugbystadion sy vyfde titel in ses jaar om die Metropolitan Raadstrofee ingepalm....

2001

WHS bo, maar hoede af vir Mariental-rugby Andrew Poolman DlE Hoërskool Mariental het Saterdag die boodskap hard en duidelik aan die ander rugbyskole gestuur: Windhoek Hoërskool is nie...

2002

Walvisbaai kraai koning Skolerugbytrofee kus toe ná 28 jaar.Andrew Poolman MET vyf pragdrieë teen nul het die Hoërskool Walvisbaai se eerste rugbyspan Saterdag die eerste keer in 28 jaar die eindstryd...

2003

WHS weer boAndrew Poolman AS Naas Botha darem Saterdag moes sien hoe Dr. Lemmer die eindstryd van die Metropolitan onder 19-Superliga deur hul vingers laat glip het, sou hy...

2004

WHS se wenspan is van die bestes Andrew Poolman DIE eerste rugbyspan van Samsung Windhoek Hoërskool wat Saterdag die Metropolitan o.19 Superligatitel behou het, sal waarskynlik in dieselfde asem genoem...

2005

Straatslim WHS wen Andrew Poolman WINDHOEK Hoërskool se ervaring om eindstryde te wen, was Saterdag straks die deurslaggewende faktor in sy verowering van die Metropolitan o.19 Superliga, sy negende...

2006

Elnatan nuwe kampioen ná bulstryd Wiets Coetzee DIE Privaatskool Elnatan van Stampriet is Saterdag as die superligakampioen vir 2006 gekroon nadat hy vir WHS met 23-20 in die eindstryd van...

2007

WHS buit RaadsbekerWiets CoetzeeWINDHOEK Hoërskool is Saterdagaand gekroon as 2007 Metropolitan Raadsbekerwenners van die onder 19-Superliga nadat hulle die Hoër Tegniese Skool in die eindstryd op die Hage Geingob Stadion geklop...

2008

WHS is ’08 se o.19-kampioen Wiets Coetzee WINDHOEK Hoërskool is na ’n naelbytwedstryd teen HTS Saterdag op die Hage Geingob-stadion as die o-19 Metropolitan Superliga-kampioen vir 2008 bekroon. Dit was ’n eindstryd...

2009

Nog ’n Rugbytitel vir WHSBoet Matthews DAAR kan nie baie getwyfel word dat Windhoek Hoërskool steeds die Mekka van Namibiese skolerugby is ná Saterdag se vier oorwinnings in eindstryde...

2010

WHS behou die beker WHS se eerste span het 'n klinkende oorwinning van 35-13 teen Dr. Lemmer behaal nadat die spanne nog diep in die tweede helfte op 13-elk...

2011

Blou Maandag na WHS-triomfBoet Matthews DIT was 'n eindstryd van vele rekords, selfs vir die verloorspan wat sover bekend die eerste in jare was wat geen punte kon aanteken nie....

2012

Ses uit ses vir WHSBoet Matthews Dit was die seuns van Windhoek Hoërskool (WHS) wat Saterdagaand in die o.19 Metropolitan Superliga kompetisie koning gekraai het. Die blou masjien van WHS...

2013

WHS se blou masjien rol voort Andrew Poolman - “Rom rom, die Bloues kom! Al wat jy sien, is die blou masjien!” Met ’n rekordtal van sewe oorwinnings in die...

2014

Gimnasium juig oor eerste titel Andrew Poolman Die kampioenspan van 2014 het sy skoleseisoen onoorwonne afgesluit. Met sy jong reus van 'n kaptein, Johan Retief, aan die voorpunt...

2015

Superliga-trofee bly staan by Gimnasium Andrew Poolman Die eerste rugbyspan van Windhoek Gimnasium het Vrydagaand 'n hewige stryd oorleef voordat hy sy titel as 0.19 Momentum Superliga-kampioen vir 2015 behou...

2016

WHS herwin o.19 Superliga-titel Andrew Poolman Windhoek Affies se dapper vordering tot in hul geskiedkundige eerste eindstryd kon uiteinde-lik nie die groot prys inbring nie. Windhoek Hoërskool se vieringe van sy 100-jarige...

2017

Gimmies verf sosiale media rooi met oorwinning Rooi Facebook-harte het Sater-dagaand in groot getalle oor selfoon-en rekenaarskerms gevlieg toe Wind-hoek Gimnasium vir 'n derde keer die Superliga-trofee in Momentum...

2018

Een punt genoeg vir Affies se eerste Super-triomf Andrew Poolman Dit was 'n bitter belangrike deurbraak vir ons skool, het afrigter Johan Zaayman gesê nadat sy KMC/JCC Windhoek Afrikaanse...