Waar vriende familie word

’n Privaatskool op Okahandja is trots op sy Christelike waardes waarmee onder meer sterk vriendskapsbande gesmee word.

03 December 2019 | Education

Mariselle Stofberg

Berg-Op Akademie is meer as net ‘n skool. Dit bied ’n veilige hawe waar leerlinge gehalte-onderrig ontvang en die geleentheid kry om hulself te vind.

Die skool het sy deure op 16 Januarie 2008 geopen. Dit het sy ontstaan te danke aan die stigters, mnre. Andre Berg en Willem Opperman, wat die behoefte opgemerk het vir ’n privaatskool op Okahandja waar kinders individuele aandag kan kry.

Die skool se naam is ’n kombinasie van die stigters se vanne.

Berg-Op Akademie beskou hulself as ’n familie wat saambou aan die toekoms van kinders, met die Bybel as die grondslag waarop die skool gevestig is.

Mnr. Piet Greeff is sedert die skool se ontstaan die skoolhoof. “Van dag een af was Berg-Op na aan my hart, want dit waarin ons glo, word in die skool toegepas. Die onderwysers en leerlinge het dit van die begin af so maklik gemaak om lief te wees vir die skool, want liefde straal uit hulle uit.”

Volgens mnr. Barend Koch, die voorsitter van die skool se beheerraad, streef Berg-Op na net die beste onderrig vir hul leerlinge.

“Om gehalte-onderrig te kan gee, is individuele aandag en tyd vir kinders noodsaaklik. Daarom is ons klasse kleiner. Ons bied ook ’n program buite normale skoolure aan vir kinders om selfs verdere individuele aandag te kan kry,” het hy gesê.

Berg-Op het tans ongeveer 200 leerlinge en 23 onderwysers in die laer- en hoërskool. Dit bring die skool se gemiddeld op ongeveer nege kinders per onderwyser wat verseker leerlinge ontvang die beste onderrig en individuele aandag.

“Ons onderwysers is nou betrokke by ons kinders en kan ook enige probleme vinnig opmerk. By Berg-Op kan ‘n kind nie maklik in die massas verdwyn nie, want hier is ons baie meer persoonlik betrokke by mekaar. Moderne en innoverende onderrigmetodes en die ideale leeromgewing is ook baie belangrik. Ons is ook in samewerking met ons vennote uit Finland om hierdie aspekte op die Namibiese kurrikulum toe te pas en sodoende ’n nuwe standaard vir onderrig in Namibië te help bou,” het Koch gesê.

Die Finse onderrigmetodes fokus daarop om kinders meer kreatief te laat leer en buite die boks te kan dink om probleme te kan oplos. “In die moderne toekoms waarvoor ons ons kinders opvoed, gaan dit ’n belangrike rol speel in hulle sukses. Daar word ook sterk klem op groepswerk as deel van die onderrigproses en selfstandigheid geplaas,” het Koch gesê.

Die skool se e-leerprogram en die beplande robotika-kurrikulum vorm ook deel van hierdie proses. “Ons berei ons leerlinge nie net akademies voor nie, maar ook vir die lewe ná graad 12 en hoe hulle probleme moet hanteer in ’n moderne wêreld.”

Koch het ook bevestig die skool is tans besig om moderne e-leerstelsels te toets wat onder meer aanlyn huiswerk, take en evaluering insluit. “Ons het die vak ‘Design and Technology’ geïdentifiseer wat baie toekomsgerig is. Ons beoog om addisionele periodes hieraan toe te ken waarin kinders ekstra en relevante praktiese opleiding gaan kry.”

Verskeie veranderinge en herstelwerk is ook onlangs aan die skool gedoen.

“Ons het met die hulp van kinders, ouers, onderwysers en ander vrywilligers die skool in twee dae heeltemal verander. Ons het odner meer binne en buite geverf. Spesifieke aandag is gegee aan die gebruik van kleure in klaskamers wat help om die regte area van die brein te stimuleer na gelang van die vak wat in die klaskamer aangebied word,” het Koch gesê.

Die beligting binne die klaskamers is ook verander na ligte met ’n ligfrekwensiespektrum wat daglig simuleer, met navorsing wat bewys dat dié die beste resultate in ’n leeromgewing lewer.

“In samewerking met ons sport- en kultuurvennote op die dorp bied Berg-Op ’n hele aantal sport- en kultuuraktiwiteite vir ons leerlinge aan. Dit behels onder meer atletiek, rugby, netbal, krieket, tennis, stoei, boogskiet, dans, vlugbal, skaak, drama en koor,” het Koch gesê.

Van die skool se prestasies sluit in die o.13-rugbyspan wat die nasionale ligawenners is, die o.13- en o.14-seunstennisspanne wat nasionale kampioene is, asook ’n derde plek vir hul o.14-meisiespanne wat aan die FNB-skoleliga deelgeneem het

Verder spog die skool ook met uitstekende prestasies in stoei tydens die Nasionale Namibiese Stoeikampioenskappe. Hier behaal die skool se leerlinge tweede plekke in die afdelings 24 kg, 27 kg, 34 kg en 43 kg. Leerlinge behaal ook eerste plekke in die afdelings 20 kg, 38 kg en 67 kg..

Ná die Napso Kultuurfees spog die skool ook twee goue medaljes vir dans, met van die hoogste punte van die fees. By die Nasionale Namibiese Boogskietkampioenskappe het die junior span van Berg-Op Akademie brons ontvang, asook silwer in die algehele junior kampioen-afdeling.

“Ons gaan voort om met goed gekwalifiseerde onderwysers ons leerlinge akademies goed toe te rus, maar ook om ons leerlinge deur ons Christelike beginsels voor te berei om goeie en volwaardige landsburgers te wees,” het Greeff gesê.

Similar News

 

The rose among the thorns

2 days ago - 24 January 2020 | People

Justicia Shipena It would be difficult to meet anyone who is as passionate about food and educating people about a vegan diet than 25-year-old...

A peek into the HR world

2 days ago - 24 January 2020 | People

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

Bank Windhoek assigns Muukua with CSI and Stakeholder Engagement...

2 days ago - 24 January 2020 | Society

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

Investing in the people

2 days ago - 24 January 2020 | Society

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

Commit to be fit

2 days ago - 24 January 2020 | People

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

The value of the journey

2 days ago - 24 January 2020 | People

Mariselle Stofberg“So many times I focused on what I wanted to become, neglecting the process required to get there. As I matured, I realised the...

Attitude determines altitude

2 days ago - 24 January 2020 | People

Mariselle StofbergPull quote: The urgency to act on climate change is growing, and financial institutions play a crucial role in providing financing to Green projects.When...

More than one chip on his shoulder

2 days ago - 24 January 2020 | People

Elizabeth Joseph Kristof Lerch has been a financial intermediary since early 2019. After completing his school career at the DHPS in Windhoek, he developed a...

100 pints saves 300 lives

2 days ago - 24 January 2020 | Health

Elizabeth Joseph George van Straten, who recently made his 100th blood donation, has donated blood for more than 30 years and says he will continue...

Latest News

A peek into the HR...

2 days ago - 24 January 2020 | People

Julia MushellengaThere are a few initiatives one can use to empower employees, but my main preference is through engagement. It’s important to create engagement platforms...

by Michelline Nawatises

Bank Windhoek assigns Muukua with...

2 days ago - 24 January 2020 | Society

Bank Windhoek has appointed Veripura Muukua as its new Communication Practitioner, tasked with Corporate Social Investment (CSI) and Stakeholder Engagement, effective Wednesday, 15 January 2020.In...

by Michelline Nawatises

Investing in the people

2 days ago - 24 January 2020 | Society

Mariselle Stofberg“A new decade signals a time for reflection and focus on new opportunities that lie untapped before us. A decade passed teaches of victories,...

by Michelline Nawatises

Commit to be fit

2 days ago - 24 January 2020 | People

Mariselle Stofberg It takes exceptional perseverance and determination to continue to chase your dreams despite adversity and complications that may arise. Jonathan Mweneni Mwafangeo has...

by Michelline Nawatises

The value of the journey

2 days ago - 24 January 2020 | People

Mariselle Stofberg“So many times I focused on what I wanted to become, neglecting the process required to get there. As I matured, I realised the...

by Michelline Nawatises

Attitude determines altitude

2 days ago - 24 January 2020 | People

Mariselle StofbergPull quote: The urgency to act on climate change is growing, and financial institutions play a crucial role in providing financing to Green projects.When...

by Michelline Nawatises

More than one chip on...

2 days ago - 24 January 2020 | People

Elizabeth Joseph Kristof Lerch has been a financial intermediary since early 2019. After completing his school career at the DHPS in Windhoek, he developed a...

by Michelline Nawatises

100 pints saves 300 lives

2 days ago - 24 January 2020 | Health

Elizabeth Joseph George van Straten, who recently made his 100th blood donation, has donated blood for more than 30 years and says he will continue...

by Michelline Nawatises

Namcol awards scholarships

2 days ago - 24 January 2020 | Others

Tunohole MungobaLast week Friday, the Namibian College of Open Learning (Namcol) granted young people, including inmates of the Windhoek Correctional Facility, scholarships to study at...

by Michelline Nawatises

Load More