Vrouespan verniel Sierra Leone

Krieket
Andrew Poolman
  • 1 Day Ago
Die Capricorn Eagles se kaptein Suné Wittmann was gister vernietigend op dreef met die vinnigste vyftigtal nóg deur ‘n Namibiese vrouespeler in ‘n internasionale T20-krieketwedstryd.

Die aanvangskolwer het die 50-merk van net 22 balle behaal, wat die pas aangegee het vir ‘n reusagtige oorwinning met 152 lopies teen Sierra Leone in die ICC Vroue T20 Wêreldbeker-uitduntoernooi.

Die Namibiese totaal van 228/1 het vyftigtalle vir Wittmann (78 van 35 balle; 11x4 3x6), Kayleen Green (86 nie uit nie van 57 balle; 13x4) en Yasmeen Khan (56 nie uit nie van 28 balle; 7x4 1x6) ingesluit.

In Sierra Leone se kolfbeurt van 76 almal uit het Kayleen Green ook 2/8 in 2 bouolbeurte geneem om as speler van die wedstryd aangewys te word. Saimi Tuhadeleni het 3/12 in 3.5 bb platgetrek.

Agt Afrika-spanne ding mee om twee plekke by die wêreldwye uitduntoernooi – met Namibië wat vandag in ‘n deurslaggewende semifinaal betrokke sal wees. Die wedstrydbepalings was teen druktyd nog nie bevestig nie.